skoðanir

2006-08-10T13:51:00.000-07:00

endilega sleppið því, það er ekki þess virði. Eins og þið vitið þá eru skoðanir fólks þeirra einkamál og koma öðrum ekki við, það sama gildir að sjálfsögðu um einkalíf fólks. Það að birta skoðanir eða vænar klípur úr einkalífi sínu á vefnum er bara vottur af athyglissýki og um hana gildir eins og um aðra sýki: meðvirkni drepur. Þannig er ég dyggur stuðningmaður þess að fólk láti það eiga sig að lesa bloggfærslur annarra því þrátt fyrir að þær séu öllum sem aðgang hafa að netinu opnar þá þýðir það ekki endilega að það eigi að lesa þær. Svona eins og einhver sem skilur útidyrahurðina eftir opna heima hjá sér er ekki endilega að bjóða fólki inn. Stundum er einfaldlega bara ókurteisi að ganga á lagið, og á hinn almenni borgari sem á leið hjá að vita það og sjá að hann á ekki að ganga inn, eða eins og á bloggsíðum, lesa. Þar eru hlutir sem koma honum ekki við. Því vil ég vinsamlegast biðja lesendur mína að hætta þessu hið snarasta og láta mig og mínar skoðanir í friði. Ég vil bara ekki að fólk sé að baða sig upp úr mínum eigin orðum, þau eru þrátt fyrir allt mín. Ég skamma hér með alla sem eru ennþá að lesa þar sem þeir eru annað hvort með öllu lausir við allt siðgæði eða skilja ekki íslensku, og hafa gaman að því hvernig stafirnir raðast saman á svo skemmtilegan hátt. En við það fólk segi ég: stop reading you ignorant idiot, this is none of your buisness!! Skammskammskamm...
....en af hverju loka ég ekki bara út? spyrja kannski sumir. En þeir verða að gera sér grein fyrir því að athyglissýki er sjúkdómur og er í raun eina lausnin á henni sem slíkri samhent átak allra að láta það eiga sig að lesa færslur annarra, eða einhvers konar tólf spora prógram, en hver nennir því.

sandur

skoðanir